- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Партызанскі раён. Разам за бяспеку!
У рамках рэспубліканскай акцыі “Канікулы – без дыму і агню!” на базе дзіцячага аздараўленчага лагера школы № 223 работнікі Партызанскага раённага аддзела па надзвычайных сітуацыях сумесна з прадстаўніком Мінскай гарадской арганізацыйнай структуры Беларускага добраахвотнага пажарнага таварыства правялі прафілактычнае мерапрыемства, накіраванае на папярэджанне пажараў і надзвычайных сітуацый з удзелам малалетніх дзяцей.
У гэты дзень хлопцы рабілі сумесную зарадку, удзельнічалі ў спартландыі, танцавалі флэшмоб і праходзілі этапы квэста бяспекі. Для каманд былі прадстаўлены лакацыі, паспяхова прайшоўшы якія кожны змог успомніць правілы бяспечных паводзін у паўсядзённым жыцці, на вадаёме, пры навальніцы і ў моцную спякоту.
Дух суперніцтва і радасці адчуваўся паміж камандамі, бо кожны імкнуўся паказаць свае веды, уменні, кемлівасць і камандную гульню. У выніку ўсе дзеці атрымалі ў падарунак тэматычную наглядна-выяўленчую прадукцыю ад МНС і зарад пазітыўных эмоцый.