Учреждение Минское городское управление МЧС Республики Беларусь
- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Савецкі раён. Ратавальнікі ў гасцях у дашкалят
З мэтай змяншэння колькасці пажараў па прычыне дзіцячага свавольства з агнём работнікі Савецкага раённага аддзела па надзвычайных сітуацыях правялі прафілактычнае мерапрыемства з выхаванцамі дзіцячага сада № 416 Мінска.
З вялікай цікавасцю малыя разгадвалі мудрагелістыя загадкі «Кропелькі і Агеньчыка», вучыліся выклікаць ратавальнікаў на тэлефоне-трэнажоры, з дапамогай яркіх карцінак даведаліся, што трэба рабіць, калі дома ўзнік пажар, а гуляючы ў гульню «Эвакуацыя» дашкаляты навучыліся правільна пакідаць задымленае памяшканне.
Не засталася без увагі і тэма бяспечных паводзін на вуліцы. Так работнік МНС расказала хлопцам пра небяспечныя і бяспечныя месцы для гульняў, нагадала аб правілах пераходу праезнай часткі і папярэдзіла аб небяспецы размоў з незнаёмымі людзьмі.
А ў завяршэнні мерапрыемства ўсе дашкаляты атрымалі невялікія, але вельмі карысныя сувеніры ад МНС.