- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Ленінскі раён. Навядзенне парадку
З надыходам вясны настае перыяд абнаўлення прыроды: зямля вызваляецца ад снегу, пачынаюць зелянець лугі і палі, ад лёду вызваляюцца рэкі і азёры. Але ўсю гэтую прыгажосць часта азмрочваюць вынікі чалавечай дзейнасці: пакінутае смецце, а таксама леташняе лісце і сухія галінкі дрэў.
Таму ў вясновы перыяд па ўсёй краіне традыцыйна стартавалі месячнікі па навядзенні парадку на зямлі, добраўпарадкаванні і азеляненні тэрыторый, якія закранулі паркі, скверы і іншыя азелянёныя ўчасткі, двары, тэрыторыі прадпрыемстваў і арганізацый горада.
Работнікі МНС таксама не засталіся ў баку ад гэтай акцыі. Работнікі дзяжурнай змены пажарнай аварыйна-выратавальнай часці №30 Ленінскага раённага аддзела па надзвычайных сітуацыях прынялі удзел у навядзенні парадку на тэрыторыі Сада Гашкевіча. Выратавальнікі разам з работнікамі УП "Зеленбуд Ленінскага раёна г.Мінска" дапамаглі ва ўборцы Саду ад лістоты, зрабіўшы месца адпачынку гараджан больш утульным і прыгожым.