- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Партызанскі раён. Мерапрыемства на адкрытай пляцоўцы
У межах правядзення рэспубліканскай інфармацыйна-прапагандысцкай кампаніі “Дзень бяспекі. Увага ўсім!" работнікі Партызанскага раённага аддзела па надзвычайных сітацыях правялі прафілактычнае мерапрыемства на адкрытай пляцоўцы для грамадзян, якія пражываюць у інтэрнаце па вуліцы Солтыса.
На дваровым сходзе была арганізавана інтэрактыўная пляцоўка па навучанні правілам бяспекі для дзяцей і дарослых. Інспектар МНС расказала аб надзвычайных сітуацыях прыроднага і тэхнагеннага характару, сігнале "Увага ўсім!" і дзеяннях, якія трэба рабіць у выпадку яго падачы. І дзецям, і дарослым чарговы раз нагадалі аб небяспецы вогненнай стыхіі і асноўных прычынах узнікнення пажараў, аб правілах паводзін пры надзвычайных сітуацыях і неабходнасці ўстаноўкі аўтаномных пажарных апавяшчальнікаў. Усе ахвочыя змаглі паўдзельнічаць у майстар-класе па абыходжанні з вогнетушыцелем.
Работнікі МНС асобна спыніліся і на пажарах у экасістэмах, расказалі аб недапушчальнасці выпальвання сухой расліннасці, а таксама правілах, якія неабходна выконваць пры развядзенні вогнішчаў, спальванні смецця.