- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Савецкі раён. Вавёрачка на варце бяспекі
З мэтай папярэджання пажараў і гібелі людзей ад іх па прычыне неасцярожнага абыходжання з агнём пры курэнні ў стане алкагольнага ап'янення работнікі Савецкага РАНС размясцілі тэматычныя воблеры ў крамах, якія спецыялізуюцца на продажы алкагольнай прадукцыі.
Яркія воблеры з вавёрачкай, галоўным героем інфармацыйна-прапагандысцкай кампаніі «Не чакай вавёрачку, тушы недакурак!», прымушаюць задумацца ўсіх наведвальнікаў аб небяспецы, якую тоіць у сабе шкодная звычка – курэнне. У многіх выпадках надзвычайныя сітуацыі адбываюцца менавіта па віне курыльшчыкаў, якія, не выконваючы элементарныя правілы бяспекі, падвяргаюць небяспецы не толькі сябе, але і простых грамадзян, якія пражываюць па суседстве. Яны нават не задумваюцца, што менавіта непатушаны недакурак і прыводзіць да трагічных наступстваў. Таму МНС з дапамогай яркай рэкламы з пухнатай вавёрачкай нагадвае грамадзянам аб захаванні правіл пажарнай бяспекі: не паліце ў ложку і заўсёды выкарыстоўвайце попельніцу, усталюйце дома аўтаномны пажарны апавяшчальнік і беражыце сябе!