Партызанскі раён. Прафарыентацыйныя мерапрыемствы з моладзю

Прафарыентацыя – сур'ёзнае пытанне для моладзі, важна дапамагчы навучэнцам зарыентавацца, прапанаваць цікавыя варыянты, якія дапамогуць зрабіць для сябе правільны выбар у будучым. Работнікі Партызанскага раённага аддзела па надзвычайных сітуацыях рэгулярна праводзяць прафарыентацыйную работу сярод моладзі.

Асноўнай мэтай такіх сустрэч з'яўляецца папулярызацыя прафесіі ратавальніка і падбор кандыдатаў для паступлення ва ўніверсітэт грамадзянскай абароны Міністэрства па надзвычайных сітуацыях Рэспублікі Беларусь, а таксама для службы ў органах і падраздзяленнях па надзвычайных сітуацыях.

У верасні прадстаўнікі выратавальнага ведамства выступілі ў школах і каледжах раёна, падрабязна расказалі аб умовах паступлення і асаблівасцях паўсядзённага жыцця навучэнцаў, матэрыяльна-тэхнічнай базе, створанай для падрыхтоўкі будучых ратавальнікаў ва Універсітэце грамадзянскай абароны МНС. Мерапрыемствы прайшлі ў фармаце дыялогу, у якім ратавальнікі адказалі на ўсе пытанні, што ўзніклі ў працэсе зносін, і падзяліліся ўласным вопытам. Спікеры рабілі акцэнт, што работа ратавальніка патрабуе не толькі фізічнай сілы і цягавітасці, але і высокай дысцыплінаванасці і ўмення дзейнічаць у камандзе.

«Выбар прафесіі – гэта адказны крок у жыцці кожнага чалавека. Служба ў органах і падраздзяленнях па надзвычайных сітуацыях – гэта не проста праца, а пакліканне, магчымасць кар'ернага росту, далейшага развіцця і, галоўнае, высакародная справа выратавання чалавечых жыццяў», – падкрэсліў намеснік начальніка Партызанскага раённага аддзела па надзвычайных сітуацыях Мікалай Казак.