Учреждение Минское городское управление МЧС Республики Беларусь
- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Завадскі раён. Урокі бяспекі
У рамках рэспубліканскай акцыі «Канікулы без дыму і агню» работнікі Завадскога раённага аддзела па НС разам з курсантамі Універсітэта грамадзянскай абароны МНС РБ правялі для навучэнцаў, якія знаходзяцца ў лагерах, урокі бяспекі. Бо правілы бяспекі важна нагадваць у любы перыяд.
Гутарку пачалі з таго, што паўтарылі нумары ўсіх экстраных службаў і якія задачы выконвае кожная з іх. Потым інспектар з курсантамі пагаварылі з навучэнцамі аб правілах паводзін на вадзе. Далей абмяркоўвалі правільныя дзеянні ў той ці іншай надзвычайнай сітуацыі. Таксама не забыліся і пра мультфільм "Чароўная кніга". Ратавальнікі апісвалі персанажаў з мультфільма, а хлопцы дружна іх угадвалі.
Гэты фармат мерапрыемства дапамагае дзецям лепш засвойваць інфармацыю, бо яны прымаюць актыўны ўдзел у развагах. Урокі бяспекі – выдатная магчымасць яшчэ раз нагадаць рабятам аб самых асноўных правілах пажарнай бяспекі.