- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Фрунзенскі раён. Самым маленькім – аб самым галоўным
Інспектар прапаганды Фрунзенскага РАНС прыйшла ў госці да выхаванцаў ДУА « Дзіцячы сад № 368 г. Мінска» і ДУА « Дзіцячы сад № 369 г. Мінска», дзе правяла з дашкалятамі цікавыя мерапрыемствы «Гуляючы – навучаем!».
У ходзе заняткаў дашкаляты з задавальненнем адгадвалі загадкі, удзельнічалі ў гульнях: «Можна - нельга», «Выклікаем ратавальнікаў», «Эвакуацыя», збіралі тэматычныя пазлы. Інспектар праз гульню знаёміла дзяцей з важнымі правіламі бяспекі: як правільна паводзіць сябе ў выпадку ўзнікнення пажару, што трэба рабіць, каб пажар не ўзнік, як правільна выклікаць службу выратавання, паўтарылі тэлефоны экстраных службаў.
У завяршэнні мерапрыемства дзецям уручылі тэматычныя размалёўкі ад МНС, а дашкаляты паабяцалі інспектару добра сябе паводзіць, з запалкамі і запальнічкамі не гуляць і нагадваць сваім бацькам, калі сыходзяць з дому, выключаць электрапрыборы.