- Адреса и телефоны
- 220037, г. Минск, ул. Козлова, 26 к. 8
- (+375 17) 311-55-01
- (+375 17) 294-26-02
- minsk@mchs.gov.by
Кастрычніцкі раён. Гутарка з клопатам аб дзецях
У рамках правядзення рэспубліканскай акцыі "Не пакідайце дзяцей адных!" работнікі Кастрычніцкага раённага аддзела па НС правялі гутаркі па тэлефоне са шматдзетнымі сем'ямі і сем'ямі, якія знаходзяцца ў сацыяльна-небяспечным становішчы.
Падчас гутаркі работнікі МНС нагадалі правілы бяспечных паводзін, паведалі, якія небяспекі могуць чакаць дзяцей на вуліцы, у доме і кватэры. На пытанне інспектара "Якія самыя небяспечныя пакоі ў доме?», бацькі, не сумняваючыся, давалі правільныя адказы. Бо ва ўсіх пакоях можна сустрэць такія небяспекі, як вокны, электрычныя прыборы, запалкі, патэльні, бытавая хімія і г.д. У адказ на кожную небяспеку ратавальнікі паведалі, якія правілы трэба выконваць, каб прадухіліць надзвычайную сітуацыю.
Парэкамендавалі дарослым для прагляду з дзецьмі мультсерыял "Чароўная кніга", дзе разумны Бабёр, неспакойная Птушачка, дапытлівы Заяц і падступны Воўк нагадваюць дзеткам, як трэба сябе паводзіць, каб не патрапіць у небяспечную сітуацыю.
У завяршэнні гутаркі ратавальнікі нагадалі бацькам тэлефоны экстранных службаў і пажадалі ім і іх дзецям бяспечнага дня.